ԼՀ-ում ՀՀ դեսպան Ալեքսանդր Արզումանյանը տիկնոջ Մելիսսա Բրաունի հետ այցելել է Վարշավայի թագավորական ամրոց, որտեղ կրկին ցուցադրության են ներկայացված Թերեզա Սահակյանի կովկասյան գորգերի նմուշները

11 օգոստոսի, 2026

Վարշավայի թագավորական ամրոցում կրկին ցուցադրության են ներկայացված Թերեզա Սահակյանի կովկասյան գորգերի նմուշները:

Օգոստոսի 11-ին ԼՀ-ում ՀՀ դեսպան Ալեքսանդր Արզումանյանը տիկնոջ Մելիսսա Բրաունի հետ այցելել է թանգարան, որտեղ ներկայացվել են ցուցադրության նմուշները և քննարկվել են հետագա համագործակցության հնարավորությունները:

Թերեզա Սահակյանի գորգերի հավաքածուն համարվում է Եվրոպայում կովկասյան 550 գորգերից կազմված ամենամեծ հավաքածուն:

Առաջին համաշխարհային պատերազմից հետո դեռևս երիտասարդ տարիներից Թերեզա Սահակյանը ազգությամբ հայ ամուսնու՝ Գևորգ Սահակյանի հետ սկսել է հավաքել կովկասյան, այդ թվում՝ հայկական գորգեր։ Տարիների ընթացքում նրանց հավաքածուն վերածվել է արժեքավոր և նշանակալի մշակութային ժառանգության։ Ամուսնու մահից հետո Թերեզա Սահակյանը շարունակել է նրանց համատեղ սկսած աշխատանքը՝ համալրելով և պահպանելով հավաքածուն։ Նրա կարևորագույն որոշումներից մեկն է եղել 550 արժեքավոր արևելյան գորգերը նվիրաբերել Լեհաստանի թանգարանային հավաքածուին:

Հավաքածուն ներկայացնում է կովկասյան գորգագործության բազմադարյա ավանդույթները և ներառում է տարբեր ժամանակաշրջանների ու ոճերի բացառիկ նմուշներ, այդ թվում՝ մոտ 1700 թվականին թվագրվող և «Վիշապի գորգեր» խմբին պատկանող հազվագյուտ գորգ։

Ցուցադրությունը տևելու է մինչև ս.թ. օգոստոսի 17-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր