ՀՀ ԿԳՄՍ նախարարը հանդիպել է Լեհաստանի հայ համայնքի ներկայացուցիչների հետ

10 դեկտեմբերի, 2025

ՀՀ ԿԳՄՍ նախարար Ժաննա Անդրեասյանը Լեհաստանի ազգային գրադարանում հանդիպել է Լեհաստանի հայ համայնքի ներկայացուցիչների՝ արվեստագետների և մշակույթի գործիչների, Լեհաստանում գործող կրթամշակութային կազմակերպությունների ղեկավարների, մեկօրյա հայկական դպրոցների տնօրենների հետ։

Հանդիպման ընթացքում վերջիններս հետաքրքրվել են Հայաստանում կրթության և մշակույթի ոլորտներում իրականացվող բարեփոխումներով ու նոր նախաձեռնություններով։

Ժաննա Անդրեասյանը ներկայացրել է ԿԳՄՍ նախարարության նոր նախաձեռնությունը՝ «Հայերենը ոչ հայախոսների համար. հայերենի ուսուցման, ստուգման և գնահատման համակարգ» ծրագիրը, որը նպատակ ունի բարձրացնել հայերների միջազգային ճանաչելիությունն ու դիրքավորումը։

Լեհաստանում Հայաստանի դեսպան Ալեքսանդր Արզումանյանը անդրադարձել է հայ-լեհական մշակութային համագործակցության ակտիվացող օրակարգին, դրա շրջանակներում իրականցվող ծրագրերին և հեռանկարներին:

Հանդիպումը կազմակերպվել էր Լեհաստանում Հայաստանի Սփյուռքի գործերի հանձնակատար Դիանա Հովակիմյանի հետ համատեղ:

Նկարները՝ Եվա Հովսեփյանի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր