Պոզնանի համալսարանում ստեղծվել է Մխիթար Գոշի անվան հայագիտական կենտրոն

27 հոկտեմբերի, 2025

Լեհաստանում Հայաստանի դեսպան Ալեքսանդր Արզումանյանի Պոզնան կատարած աշխատանքային այցի շրջանակներում Ադամ Միցկևիչի անվան համալսարանում համալսարանի ռեկտոր, պրոֆեսոր Բոգումիլա Կանևսկայի մասնակցությամբ կայացել է Մխիթար Գոշի անվան հայագիտական կենտրոնի ստեղծման և կենտրոնի ծրագրերի խորհրդի կազմավորման պաշտոնական արարողությունը:

Դեսպանը ողջունել է, որ կենտրոնի առաջին՝ «Armenistka» հետբուհական ծրագրին մասնակցելու համար դիմել է 32 ուսանող և կարևորել է հայագիտական կենտրոնի գործունեությունը հայոց լեզվի, գրականության և մշակույթի ոլորտում ակադեմիական գիտելիքների զարգացման գործում:

Խորհրդի կազմում ընդգրկվում են Լեհաստանի Հանրապետությունում Հայաստանի Հանրապետության դեսպան Ալեքսանդր Արզումանյանը, Պոզնանի համալսարանի միջազգային համագործակցության հարցերով պրոռեկտոր, պրոֆեսոր Ռաֆալ Վիտկովսկին, Լեհաստանի Կառավարության և ազգային և էթնիկ փոքրամասնությունների միացյալ հանձնաժողովում հայ փոքրամասնության ներկայացուցիչ Հրաչյա Բոյաջյանը և Կենտրոնի տնօրեն Ադամ Պոմեճինսկին։

Քննարկման ընթացքում կողմերը նախանշել են կրթական, գիտական, մշակութային համատեղ ծրագրերի իրականացման ուղիները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր