Հայկական մշակույթի երրորդ փառատոն

05 հոկտեմբերի, 2024

Հոկտեմբերի 5-ին Կատովիցեի մայր տաճարում Հայկական մշակույթի երրորդ փառատոնի շրջանակում տեղի ունեցավ Հայաստանի Հանրապետության անկախության 33-րդ տարեդարձին նվիրված համերգ՝ Սիլեզյան կամերային նվագախմբի, «Resonans con tutti» երգչախմբի կատարմամբ և կոմպոզիտոր Գրիգոր Առաքելյանի ղեկավարությամբ: Կայացավ Գրիգոր Առաքելյանի «Ապաշխարության սաղմոսներ» ստեղծագործության համաշխարհային պրեմիերան, որը հիմնված է Սբ․ Մեսրոպ Մաշտոցի շարականների վրա։

Համերգին նախորդել է էկումենիկ աղոթք Կատովիցեի Մետրոպոլիտ Ադրիան արք. Գալբասի և Լեհաստանում հայ առաքելական եկեղեցու առաջնորդ, Գերշ. Մարկոս եպս. Հովհաննիսյանի հանդիսապետությամբ։

Փառատոնը կազմակերպվել է Սիլեզիայի, Ներքին Սիլեզիայի, Օպոլեի և Մալոպոլսկե նահանգներում ՀՀ պատվավոր հյուպատոս Հրաչյա Բոյաջյանի (հյուպատոսական շրջանի կենտրոնը՝ Զաբժե) նախաձեռնությամբ՝ Լեհաստանի ներքին գործերի և վարչարարության ու Հայաստանի կրթության, գիտության, մշակույթի և սպորտի նախարարության ֆինանսավորմամբ:

Միջոցառումն անց է կացվել դեսպանության պատվավոր հովանավորությամբ, ներկա էին և ողջույնի ելույթներով հանդես եկան դեսպան Ալեքսանդր Արզումանյանը, Սիլեզիայի վոևոդայի տեղակալ Միխալ Կոպանսկին, փոխմարշալ Յոաննա Բոյչուկը և Սեյմիկի նախագահ Յացեկ Յարցոն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր