Հայոց ցեղասպանության հիշատակի օրվան նվիրված համաժողով

24 ապրիլի, 2024

Ապրիլի 24-ին Վարշավայի համալսարանում անցկացվեց Հայոց ցեղասպանության հիշատակի օրվան նվիրված համաժողով՝ համալսարանի հայ ուսանողուհի Նունե Գևորգյանի նախաձեռնությամբ և հայ համայնքի առանձին ներկայացուցիչների կազմակերպական աջակցությամբ:

Դեսպան Ալեքսանդր Արզումանյանը հանդես եկավ բացման ելույթով՝ անդրադառնալով ցեղասպանության հանցագործության դեմ պայքարում ջանքերի համադրման, նոր ցեղասպանությունների և մարդկության դեմ հանցագործությունների կանխարգելման կարևորությանը:

Տեսակապի միջոցով ելույթ ունեցան Հայոց ցեղասպանության թանգարան-ինստիտուտի տնօրենի պաշտոնակատար Էդիտ

ա Գզոյանը և պ.գ.դ. Հարություն Մարությանը: Էդիտա Գզոյանն անդրադարձավ Հայոց ցեղասպանության պատմաիրավական ասպեկտներին, Հ.Մարությանն իրականացրեց Հայոց ցեղասպանության և Հոլոքոստի համեմատական վերլուծություն: Վարշավայի համալսարանի դասախոս պրոֆ. Ագնեշկա Բիենչիկ-Միսսալան խոսեց Ռ. Լեմկինի ցեղասպանության հայեցակարգից և դրանում հայերի դեմ իրականացված ջարդերից, իսկ Դոմինիկա Մարիա Մաչիոսը՝ ազգությամբ լեհ Լեոպոլդ Գաշչիկից, ով իր կյանքը նվիրել էր ցեղասպանությունից փրկված հայ գաղթականներին օգնելուն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր