ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Լեհաստանի Հանրապետության Թագավորական ամրոցի գլխավոր տնօրեն Մալգոժատա Օմիլանովսկային

09 սեպտեմբերի, 2026

ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Լեհաստանի Հանրապետության Թագավորական ամրոցի գլխավոր տնօրեն Մալգոժատա Օմիլանովսկային: Հանդիպմանը ներկա են եղել ԿԳՄՍ նախարարի տեղակալ Ալֆրեդ Քոչարյանը և Հայաստանի պատմության թանգարանի տնօրեն Դավիթ Պողոսյանը:

Նախարարը ողջունել է Լեհաստանի Թագավորական ամրոցի պատվիրակության այցը Հայաստան՝ շնորհակալություն հայտնելով մշակույթի ոլորտում համագործակցության հետաքրքրություն ցուցաբերելու համար։

Հանդիպման առանցքում Հայաստանի և Լեհաստանի համատեղ ջանքերով գորգերի ցուցադրության կազմակերպման հնարավորությունն էր՝ ընդգծելու Հայաստանի և Լեհաստանի մշակութային ժառանգության, պատմական կապերի և մշակութային երկխոսության ընդհանրությունները։

Նախարար Ժաննա Անդրեասյանը տեղեկացրել է, որ Հայաստանում նախատեսվում է ունենալ Գորգի թանգարան, ինչը համագործակցության նոր հեռանկարներ կբացի երկու երկրների ժառանգությունը հանրահռչակելու ուղղությամբ: Այս համատեքստում քննարկվել է գորգերի համատեղ ցուցադրության հնարավորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր