Լեհաստանի Հանրապետությունում Հայաստանի Հանրապետության արտակարգ և լիազոր դեսպան Ալեքսանդր Արզումանյանը այցելեց Վարշավայի տեխնոլոգիական համալսարան

23 հուլիսի, 2026

2026 թվականի հուլիսի 23-ին Լեհաստանում Հայաստանի Հանրապետության արտակարգ և լիազոր դեսպան Ալեքսանդր Արզումանյանն այցելեց Վարշավայի տեխնոլոգիական համալսարան։ Սա Հայաստանի դեսպանի՝ համալսարան կատարած առաջին պաշտոնական այցն էր։

Այցի ընթացքում դեսպանը հանդիպեց պրոֆեսոր Մարիուշ Մալինովսկու՝ գիտական հետազոտությունների գծով պրոռեկտորի, ինչպես նաև Միջազգային համագործակցության կենտրոնի ներկայացուցիչների՝ կենտրոնի տնօրեն Գժեգոժ Ռոբակի և Պատրիցյա Կլուժի հետ։ Հայաստանի Հանրապետության դեսպանությունը հանդիպմանը ներկայացնում էր նաև դեսպանության քարտուղար Վաչիկ Մարտիրոսյանը։

Հանդիպման ընթացքում պրոռեկտոր Մալինովսկին ներկայացրեց Վարշավայի տեխնոլոգիական համալսարանի գիտահետազոտական և կրթական ներուժը՝ առանձնահատուկ ընդգծելով համալսարանի առաջնահերթ հետազոտական ուղղությունները և Հայաստանի հետ համագործակցության հնարավորությունները։ Գժեգոժ Ռոբակը ներկայացրեց Հայաստանի հետ համալսարանի առկա համագործակցությունը, ինչպես նաև Վարշավայի տեխնոլոգիական համալսարանում սովորող հայ ուսանողների վերաբերյալ վիճակագրական տվյալները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր