ՀՀ պաշտպանության նախարարի և ԼՀ փոխվարչապետ և ազգային պաշտպանության նախարարի միջև այացել է հանդիպում պատվիրակությունների ընդլայնված կազմով

06 մայիսի, 2026

ՀՀ պաշտպանության նախարար Սուրեն Պապիկյանի և Լեհաստանի փոխվարչապետ և ազգային պաշտպանության նախարար Վլադիսլավ Կոշինյակ-Կամիշի միջև առանձնազրույցին հաջորդեց ընդլայնված կազմով հանդիպումը՝ պատվիրակությունների մասնակցությամբ։

Կողմերը գոհունակություն հայտնեցին համագործակցության ներկայիս մակարդակից՝ ընդգծելով, որ այն արդյունավետորեն իրականացվում է երկու երկրների պաշտպանության նախարարությունների միջև ստորագրված 2026 թվականի երկկողմ պլանի համաձայն։

Ռազմական կրթությունը, փորձի փոխանակումը և համատեղ վարժանքներին մասնակցությունը նշվեցին որպես հետագա համագործակցության առաջնահերթ ոլորտներ։

Քննարկվեց նաև ռազմատեխնիկական համագործակցության իրականացման կարևորությունը այս տարվա փետրվարին ստորագրված համաձայնագրի շրջանակներում։

Նախարարները համաձայնեցին շարունակել քննարկումները Երևանում։ Սուրեն Պապիկյանը Վլադիսլավ Կոշինյակ-Կամիշին հրավիրեց այցելել Հայաստան։

Պայմանավորվածություն ձեռք բերվեց նաև մոտ ապագայում Վարշավայում գտնվող Հայաստանի դեսպանատանը ռազմական կցորդի գրասենյակ բացելու վերաբերյալ։

Զրուցակիցները մտքեր են փոխանակել նաև տարածաշրջանային և միջազգային անվտանգության հարցերի շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր