ՀՀ ԿԳՄՍ նախարարը հանդիպել է Լեհաստանի ազգային ակադեմիական փոխանակման գործակալություն (NAWA) ղեկավար կազմի հետ

10 դեկտեմբերի, 2025

ՀՀ ԿԳՄՍ նախարար Ժաննա Անդրեասյանը Վարշավա կատարած այցի ընթացքում, դեկտեմբերի 10-ին, հանդիպել է Լեհաստանի ազգային ակադեմիական փոխանակման գործակալություն (NAWA) ղեկավար կազմի հետ: Հանդիպման ընթացքում քննարկվել են դասախոսների և ուսանողների փոխանակման ծրագրերի իրականացման, ինչպես նաև լեհերենի ուսուցման տարածման ուղղությամբ իրականացվող աշխատանքները: ՀՀ ԿԳՄՍ նախարարն ընդգծել է Վ. Բրյուսովի անվան պետական համալսարանում լեհերենի դասավանդման խորացման և անհրաժեշտության դեպքում լեհերենի քննության ծրագրի ներդրման հնարավորությունը։ Հանդիպման ընթացքում քննարկվել են նաև դիպլոմների փոխճանաչման, ինչպես նաև կրթաթոշակային ծրագրերի իրականացմանն առնչվող հարցեր։ Lեհաստանի ակադեմիական փոխանակումների ազգային գործակալությունը(NAWA) լեհական ակադեմիական և հետազոտական հաստատությունների միջազգայնացման գործընթացը խթանող պետական գործունեությունը համակարգող կառույց է, որի առաքելությունն է խթանել Լեհաստանի զարգացումը գիտության և բարձրագույն կրթության ոլորտում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր