Լեհաստանում ՀՀ դեսպանության կողմից կազմակերպված Հայաստանի Հանրապետության Անկախության 34-րդ տարեդարձին նվիրված հանդիսավոր ընդունելությունը

19 սեպտեմբերի, 2025

Սեպտեմբերի 19-ին Վարշավայի հին քաղաքում՝ կենտրոնական գրադարանի շենքում, կայացել է Լեհաստանում ՀՀ դեսպանության կողմից կազմակերպված Հայաստանի Հանրապետության Անկախության 34-րդ տարեդարձին նվիրված հանդիսավոր ընդունելություն:

Միջոցառումը մեկնարկել է Հայաստանի դեսպան Ալեքսանդր Արզումանյանի բացման խոսքով, որում անդրադարձ է կատարվել Հայաստան-Լեհաստան բարեկամական հարաբերություններին և դրանց զարգացման հեռանկարներին: Լեհաստանի ԱԳ նախարարության պետքարտուղար Մարչին Բոսացկին ընդգծել է հայ-լեհական առկա փոխգործակցությունը խորացնելու և այդ ուղղությամբ երկուստեք գործադրվող ջանքերի կարևորությունը:

Միջոցառմանը ներկա են գտնվել Լեհաստանի կառավարության ներկայացուցիչներ, Սենատի, Սեյմի պատգամավորներ, հայ-լեհական միջխորհրդարանական բարեկամական խմբի ներկայացուցիչներ, Վարշավայում հավատարմագրված օտարերկրյա պետությունների դիվանագիտական առաքելությունների ղեկավարներ, Լեհաստանում գործող հայկական կազմակերպությունների ղեկավարներ, համայնքի ներկայացուցիչներ և այլ բարձրաստիճան հյուրեր:

Ընդունելությունն անցել է ջերմ, ընկերական մթնոլորտում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր