Հայկական «Safe YOU» բջջային հավելվածի շնորհանդեսը Վարշավայում

10 դեկտեմբերի, 2024

Դեկտեմբերի 4-ին Վարշավայում տեղի է ունեցել հայկական «Safe YOU» բջջային հավելվածի շնորհանդեսը և Լեհաստանի տարածքում դրա գործարկման մեկնարկը՝ ՄԱԿ Բնակչության հիմնադրամի Արևելյան Եվրոպայի և Կենտրոնական Ասիայի տարածաշրջանային գրասենյակի աջակցությամբ և կանանց նկատմամբ բռնության դեմ պայքարում մասնագիտացված լեհական "Feminoteka" հիմնադրամի հետ համագործակցությամբ։

Շնորհանդեսին ներկա էին Լեհաստանում ՀՀ դեսպան Ալեքսանդր Արզումանյանը, Լեհաստանի հավասարության նախարար Կատաժինա Կոտուլան, Լեհաստանում հավատարմագրված դիվանագիտական առաքելությունների, ՄԱԿ գործակալությունների, ինչպես նաև լեհ քաղաքացիական հասարակության և լրատվամիջոցների ներկայացուցիչներ։

«Ընդդեմ գենդերային բռնության ակտիվության 16-օրյակ» միջազգային քարոզարշավի շրջանակում կազմակերպված պանելային քննարկումից հետո «Safe YOU» հավելվածի հիմնադիր Մարիամ Թորոսյանը ներկայացրել է հավելվածը և դրա հնարավորությունները կանանց և աղջիկների հանդեպ բռնության դեմ պայքարում։ Այն օգտատերերին ոչ միայն հնարավորություն է տալիս ստանալու անհետաձգելի օգնություն, այլև հարթակ է տրամադրում ոլորտի մասնագետների հետ անվճար խորհրդատվության համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր