Անհայտ զինվորի շիրիմ-հուշարձանի հիմնման 99-րդ տարելիցին նվիրված միջոցառում

31 հոկտեմբերի, 2024

Հոկտեմբերի 31-ին Վարշավայի կայազորի հրամանատար գեներալ Տոմաշ Դոմինիկովսկու հրավերով դեսպան Ալեքսանդր Արզումանյանը մասնակցեց Անհայտ զինվորի շիրիմ-հուշարձանի հիմնման 99-րդ տարելիցին նվիրված միջոցառմանը։

Միջոցառման բարձրաստիճան մասին ներկա էին Լեհաստանի Զինված ուժերի գլխավոր հրամանատար, գեներալ-լեյտենանտ Մարեկ Սոկոլովսկին, զինված ուժերի գլխավոր շտաբի պետի տեղակալ, գեներալ-մայոր Դարիուշ Պլուտան, Լեհաստանում Հայաստանի դեսպան Ալեքսանդր Արզումանյանը, լեհական բանակի դաշտային եպիսկոպոս Վիեսլավ Լեխովիչը և այլոք։

Միջոցառման ավարտին դեսպանության կողմից ծաղկեպսակներ զետեղվեցին Անհայտ զինվորի շիրիմ-հուշարձանին և Անհայտ զինվորի խորհրդանշական մայր, ազգությամբ հայ Յադվիգա Զարուգիևիչովային և նրա որդուն՝ Կոնստանտիին նվիրված հուշատախտակի առջև։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր