Սիլեզիա վոևոդություն այցելություն

11 հուլիսի, 2024

Հուլիսի 11-ին Լեհաստանում Հայաստանի դեսպան Ալեքսանդր Արզումանյանը Լեհաստանի Սիլեզիա վոևոդություն այցելության շրջանակում Կատովիցե քաղաքում հանդիպում է ունեցել Սիլեզիայի վոևոդա (նահանգապետ) Մարեկ Վույչիկի և Սեյմիկի խոսնակ (տեղական ինքնակառավարման խորհրդարանի նախագահ) Յացեկ Յարցոյի հետ։ Հանդիպմանը մասնակցում էր նաև Սիլեզիայի, Ներքին Սիլեզիայի, Օպոլեի և Մալոպոլսկե նահանգներում ՀՀ պատվավոր հյուպատոս Հրաչյա Բոյաջյանը (հյուպատոսական շրջանի կենտրոնը՝ Զաբժե):

Քննարկվել են Սիլեզիայի վոևոդության և Հայաստանի մարզերի միջև համագործակցության հնարավոր ուղղությունները և երկուստեք հետաքրքրություն ներկայացնող ոլորտներում ներդրումներ իրականացնելու հնարավորությունը։

Անդրադարձ է կատարվել Հայաստան-Լեհաստան, Հայաստան-Եվրոպական Միություն օրակարգին վերաբերող հարցերի, դեսպան Ա․Արզումանյանը ներկայացրել է Հայաստանի արտաքին քաղաքական գերակայությունները և տարածաշրջանային վերջին զարգացումները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր