Արցախի վտանգված ժառանգությանը նվիրված լուսանկարների ցուցահանդես

26 հունիսի, 2024

Լեհաստանի ակադեմիական համալսարանների ռեկտորների համաժողովի շրջանակում Վարշավայի տնտեսագիտության համալսարանում հունիսի 26-ին տեղի է ունեցել Արցախի վտանգված ժառանգությանը նվիրված լուսանկարների ցուցահանդեսի պաշտոնական բացման արարողություն, որի համադրողը և հիմնական հեղինակն է Հայաստանի դիվանագիտական դպրոցի տնօրեն, դեսպան Վահե Գաբրիելյանը:

Ցուցահանդեսի բացման արարողությանը ելույթներով հանդես են եկել Վարշավայի տնտեսագիտության համալսարանի ռեկտոր Պյոտր Վախովիակը, Լեհաստանում Հայաստանի դեսպան Ալեքսանդր Արզումանյանը և դեսպան Վահե Գաբրիելյանը:

Ցուցահանդեսին ներկայացված են իրենց պատմական հայրենիքում արցախահայերի կողմից դարերի ընթացքում ստեղծված, պատմամշակութային, կրոնական ժառանգություն ներկայացնող վանքեր, եկեղեցիներ, ամրոցներ, թանգարաններ, կամուրջներ, որոնք ներկայումս գտնվում են ոչնչացման կամ վերափոխման վտանգի տակ։

Ցուցահանդեսը հանրության համար բաց կլինի մինչև հուլիսի 26-ը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր