Ամանորյա միջազգային բարեգործական 16-րդ տոնավաճառ

03 դեկտեմբերի, 2023

Դեկտեմբերի 3-ին Լեհաստանում Հայաստանի դեսպանությունը մասնակցեց Լեհաստանում հավատարմագրված դիվանագիտական առաքելությունների ղեկավարների ամուսինների «SHOM» ասոցիացիայի կողմից կազմակերպվող ամանորյա միջազգային 16-րդ տոնավաճառին։

Ամենամյա տոնավաճառն անց է կացվում Լեհաստանի Հանրապետության նախագահի տիկնոջ՝ Ագատա Կորնհաուզեր-Դուդայի բարձր հովանու ներքո, իսկ դրանից ստացված հասույթն ուղղվում է բարեգործության։

Հայկական տաղավարներում ներկայացված էին հայկական արտադրության խմիչքներ, հրուշակեղեն, Հայաստանի սահմանամերձ շրջանների կանանց կողմից պատրաստված ձեռագործ խաղալիքներ, «Հայկական հիմնադրամի» կողմից մշակված սեղանի խաղեր, ինչպես նաև հայկական խոհանոցի ուտեստներ։

Տոնավաճառի ընթացքում հայկական ժողովրդական կատարումներով հանդես եկան Կատովիցեի Կարոլ Շիմանովսկիի անվան երաժշտական ակադեմիայի ուսանողներ Սարգիս Դավթյանը և ընկերները։

Հայկական տաղավարի այցելուների թվում էր Լեհաստանի առաջին տիկին Ա․Կրոնհաուզեր-Դուդան։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր