Լեհաստանի Հանրապետության նախագահի հայտարարությունը Լեռնային Ղարաբաղում տիրող իրավիճակի կապակցությամբ

09 հոկտեմբերի, 2020

Ուրբաթ, 9 հոկտեմբերի 2020թ.

Մեծ անհանգստությամբ և մտահոգությամբ եմ հետևում Հայաստանի և Ադրբեջանի միջև շարունակվող զինված բախումներին: Սատարում և անձամբ կցանկանայի ուժեղացնել միջազգային կոչերը երկու երկրների իշխանություններին` դադարեցնել երկու կողմերում արյունահեղությունը, այդ թվում` խաղաղ բնակչության շրջանում, ինչպես նաև անմիջապես վերադառնալ բանակցությունների սեղան:

2015թ. ՄԱԿ-ի Գլխավոր ասամբլեայի 70-րդ նստաշրջանի ընթացքում շեշտել եմ միջազգային հարաբերությունների իրավունքի վրա հիմնվելու անհրաժեշտությունը: Լեհաստանը հետևողականորեն հավատարիմ է դիրքորոշմանը, որ հակամարտությունները պետք է լուծվեն վեճերի խաղաղ կարգավորման հիմնարար սկզբունքի և միջազգային իրավունքի հարգանքի համաձայն: Կցանկանայի նշել, որ Լեռնային Ղարաբաղում ռազմական գործողությունները կարող են բացասական հետևանքներ ունենալ ոչ միայն հակամարտության կողմերի, այլ նաև ամբողջ Հարավային Կովկասի վտանգավոր տարածաշրջանի անվտանգության համար:

Որպես մի երկրի նախագահ, որը ոչ մեկ անգամ է տեսել պատերազմներ և հսկայական ավերածություններ, կոչ եմ անում երկու կողմերին դադարեցնել ռազմական գործողությունները և երկխոսություն սկսել դիվանագիտական և քաղաքական բանակցությունների ուղիով՝ օգտագործելով հակամարտության երկու կողմերի համար ընդունված՝ ԵԱՀԿ Մինսկի խմբի միջնորդական գոյություն ունեցող ձևաչափը:

https://www.prezydent.pl/aktualnosci/wypowiedzi-prezydenta-rp/wystapienia/art,1177,oswiadczenie-prezydent-rp-sytuacja--w-gorskim-karabachu.html?fbclid=IwAR36cXv0AsLlmZxd9Y9m8DiPgbK-yoz4aLRaX7GFTfpEnHPl6f9_BHrczH4

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր