Հայոց ցեղասպանության զոհերի հիշատակի օր:

24 ապրիլի, 2017

Հայտնում ենք, որ 2017թ. ապրիլի 24-ին Հայոց ցեղասպանության զոհերի հիշատակի օրն է` ոչ աշխատանքային օր է. Լեհաստանում ՀՀ դեսպանությունը փակ է` հյուպատոսական ծառայություններ չեն մատուցվում:

Միաժամանակ հայտնում ենք, որ 2017թ. ապրիլի 24-ին Վարշավայի Վիլանով թաղամասում` ժամը 11:00-ին Հայկական խաչքար- պուրակի մոտ և նաև Արա Սայեղի և Կարեն Շահումյանի նախաձեռնությամբ Լեհաստանի Վրոցլավ քաղաքում ժամը 18:30-ին հայկական խաչքար-պուրակի մոտ Հայոց ցեղասպանության 102-րդ տարելիցի կապակցությամբ տեղի կունենա աղոթք, մոմավառություն, կմատուցվի սուրբ պատարագ Հայր Ռաֆայել Վ.Կրավչիկի և Հայաստանից հատուկ հրավիրված կաթողիկե եկեղեցու քահանայի գլխավորությամբ:

Ժամը 20:00-ին ՀՀ դեսպան Էդգար Ղազարյանի հովանավորությամբ Դոմինիկյանների եկեղեցում կլինի համերգ: Հրավիրվածների թվում են Վրոցլավի քաղաքապետ Ռաֆալ Դուտկևիչը եւ այլ փոքրամասնությունների ներկայացուցիչներ, հոգեվորականներ եւ պաշտոնական հյուրեր: Միջոցառմանը կհնչեն հայկական դասական, եկեղեցական երաժշտություն, Կալիշ քաղաքից կմասնակցի «Հեղինե» քառյակը, երաշտական մասնակցությամբ ելույթ կունենան Գեւորգ եւ Արամ Սայեղ եղբայրները: Պրոֆեսոր Սայեղի հրավերով Հայաստանից հանդես կգա մենակատար Արամ Ճապաղջուրյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր