Հայաստան-Լեհաստան գործարար համաժողով

05 հոկտեմբերի, 2012

Ս.թ. հոկտեմբերի 4-ին Զարգացման հայկական գործակալությունը կազմակերպել է Հայաստան-Լեհաստան գործարար համաժողով: Լեհաստանից ժամանել էր Լեհաստան-Հայաստան տնտեսական պալատի նախագահ Զբիգնև Շմուրլոյի գլխավորած գործարար պատվիրակությունը, որը ներկայացնում եր Լեհաստանի արդյունաբերության տարբեր ճյուղերը ` սնունդ (պահածոյացված միրգ/բանջարեղեն), հանքարդյունաբերություն, անվտանգության համակարգեր, շինարարություն, ջերմամատակարարում, սառնարանային արտադրություն, առողջապահություն (հիվանդանոցների համար սարքավորում):
Համաժողովի հանդիսավոր բացմանը ներկա էին ՀՀ էկոնոմիկայի նախարարի տեղակալ Ա. Պետրոսյանը, Զարգացման հայկական գործակալության գլխավոր տնօրեն Ռ. Հարությունյանը, Լեհաստան-Հայաստան Տնտեսական պալատի նախագահ Զբիգնև Շմուրլոն և փոխնախագահ պարոն Մաչեյ Բոխոսևիչը:
Բացման խոսքով հանդես եկավ ՀՀ էկոնոմիկայի փոխնախարարը: Նա ողջունեց հյուրերին և ցանկացավ ներկաներին արգասաբեր աշխատանք` նշելով, որ թե Էկոնոմիկայի նախարարությունը, և թե ԶՀԳ պատրաստակամ են ցուցաբերել հնարավոր և բազմակողմ օժանդակություն լեհ գործընկերներին: Ընդգծվեց նաև, որ Շենգեն գոտու վիզայի ռեժիմի վերացումը նոր խթան կհանդիսանա երկու երկրների առևտրային հարաբերությունների զարգացման համար:
ԶՀԳ գլխավոր տնօրենն, իր հերթին, ողջունեց հյուրերին և հավաստիացրեց, որ առկա են համագործակցությունն ամրապնդելու բոլոր նախապայմանները:
Համաժողովի բացման արարողությունից հետո “Զարգացման հայկական գործակալություն” ՓԲԸ-ի գլխավոր տնօրեն Ռ. Հարությունյանը և Լեհաստան-Հայաստան Տնտեսական պալատի նախագահ Զ. Շմուրլոն ստորագրեցին “Փոխըմբռնման հուշագիր”:
Այցելության մի քանի օրերի ընթացքում տեղի կունենան անհատական գործարար հանդիպումներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր