Լեհաստանի էկոնոմիկայի փոխնախարար Տոմաշ Տոմչիկևիչի աշխատանքային այցը Հայաստան

23 հուլիսի, 2012

Ս.թ. հուլիսի 18-ին չորսօրյա աշխատանքային այցով Երևան է ժամանել ԼՀ էկոնոմիկայի փոխնախարար Տոմաշ Տոմչիկևիչի գլխավորած գործարար պատվիրակությունը: Այցելության շրջանակներում Զարգացման հայկական գործակալությունը կազմակերպել է հայ-լեհական գործարար համաժողով: Համաժողովի շրջանակներում ելույթներով հանդես են եկել ՀՀ էկոնոմիկայի փոխնախարար Ա. Պետրոսյանը, ԼՀ էկոնոմիկայի փոխնախարար Տոմաշ Տոմչիկևիչը, ԶՀԳ գլխավոր տնօրեն Ռ. Հարությունյանը, Լեհաստան-Հայաստան առևտրի պալատի նախագահ Զբիգնև Շմուրլոն: Զարգացման հայկական գործակալությունը կոզմակերպել է նաև «Հայկական շուկա մուտք գործելու պայմանները, ներդրումային հնարավորությունները Հայաստանում» շնորհանդեսը:

Այցելության ընթացքում տեղի են ունեցել անհատական գործարար հանդիպումներ, ինչպես նաև այցելություններ ՀՀ Առևտրաարդյունաբերական պալատ, Հայաստանի արդյունաբերողների և գործարարների միություն, համապատասխան նախարարություններ, ինչպես նաև ձեռնարկություններ: Լեհաստանից ժամանած 8 ընկերություն ներկայացնում են հետևյալ ոլորտները. միջազգային հեռահաղորդակցություն, լամպերի արտադրություն և վաճառք, խորհրդատվական ծառայությունների մատուցում, նորարարական լուծումների նախագծում, բժշկական ծառայություններ, ազատ տնտեսական գոտիներում ներդրումների իրականացում, տեքստիլ արդյունաբերություն, թափոնների կառավարում-շրջակա միջավայրի պահպանում, շինանյութեր, առևտուր, փայտամշակում-փափուկ կահույք:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր