Հայաստանը մասնակցել է Վարշավայի գրքի միջազգային տոնավաճառին

31 մայիսի, 2026

Վարշավայում Գրքի ամենամյա միջազգային տոնավաճառին ՀՀ ԿԳՄՍ նախարարության և ԼՀ-ում ՀՀ դեսպանության համատեղ կազմակերպմամբ մասնակցել է Հայաստանը։

Հայաստանի տաղավարում ներկայացված էին հայ դասական և ժամանակակից գրողների, նկարիչների ստեղծագործություններ, Հայաստանի և հայոց պատմության վերաբերյալ տեղացի և օտարազգի հեղինակների աշխատանքներ՝ հայերեն, լեհերեն և այլ լեզուներով:

Փառատոնի շրջանակներում կայացել է նաև ԼՀ-ում ՀՀ դեսպանության նախաձեռնությամբ, Լեհաստանում սփյուռքի գործերի հանձնակատարի համակարգմամբ և Պոզնանում ՀՀ պատվո հյուպատոսության աջակցությամբ Լեհաստանի հայ համայնքի երիտասարդների կողմից թարգմանված և նկարազարդված հայկական հեքիաթների գրքի շնորհանդեսը։

Շնորհանդեսին իր ելույթում դեսպան Ալեքսանդր Արզումանյանն առանձնանշել է հայ-լեհական մշակութային դարավոր կապերի առանձնահատկությունները և նախաձեռնության հիմնական նպատակը՝ կազմակերպելով այս միջոցառումն երեխանների պաշտպանության միջազգային տոնին ընդառաջ։

Փառատոնի ընթացքում տեղի է ունեցել նաև Արամ Պաչյանի P/F, Լուսինե Խարատյանի «Անմոռուկ», Հրանտ Մաթևոսյանի «Խումհար» լեհերենով հրատարակված գրքերի ընթերցանություններ և քննարկումներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր