Լեհաստանում ՀՀ դեսպանը մասնակցել է Կրակովի Յագելոնյան համալսարանում Լեհահայերի պատմության ուսումնասիրման Սադոկ Բարոնչի անվան նորաստեղծ կենտրոնի բացման արարողությանը

18 մարտի, 2026

Մարտի 18-ին Լեհաստանում ՀՀ դեսպան Ալեքսանդր Արզումանյանը մասնակցել է Կրակովի Յագելոնյան համալսարանում Լեհահայերի պատմության ուսումնասիրման Սադոկ Բարոնչի անվան նորաստեղծ կենտրոնի բացման արարողությանը։

Իր ելույթում դեսպան Ալեքսանդր Արզումանյանը կարևորել է կենտրոնի գործունեությունը՝ հայագիտական ուսումնասիրությունների իրականացման և հայ-լեհական ակադեմիական կենտրոնների համագործակցության խթանման համատեքստում։

Միջոցառմանը ելույթներով հանդես են եկել նաև Լեհաստանի գիտության և բարձրագույն կրթության նախարարի տեղակալ Անջեյ Շեպտիցկին, Յագելոնյան համալսարանի ռեկտոր, պրոֆեսոր Պիոտր Յեդինակը և համալսարանի պատմության ինստիտուտի տնօրեն Յանուշ Մեժվան։

Միջոցառման ընթացքում տեղի է ունեցել նաև կենտրոնի նորաստեղծ խորհրդի անդամների նշանակումը։ Հոգաբարձուների խորհրդի անունից շնորհակալական խոսքով հանդես է եկել խորհրդի ղեկավար Հրաչյա Բոյաջյանը։

Մեսրոպ Մաշտոցի անվան Մատենադարանի տնօրեն Արա Խզմալյանը և Յագելոնյան համալսարանի թանգարանի տնօրեն Քշիշտոֆ Ստոպկան ներկայացրել են զեկույցներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր