Պոզնանի Ադամ Միցկևիչի անվան համալսարանի հետ հուշագրի ստորագրում

07 հունվարի, 2025

Հունվարի 7-ին Լեհաստանում ՀՀ դեսպան Ա.Արզումանյանը հյուրընկալեց Պոզնանի Ադամ Միցկևիչի անվան համալսարանի միջազգային համագործակցության հարցերով պրոռեկտոր պրոֆ. Ռաֆալ Վիտկովսկիին և Լեհաստանի Կառավարության և ազգային և էթնիկ փոքրամասնությունների միացյալ հանձնաժողովում հայ փոքրամասնության ներկայացուցիչ Հրաչյա Բոյաջյանին:

Հանդիպմանը քննարկվեցին Պոզնանի համալսարանի հետ համագործակցությանն առնչվող հարցեր, ստորագրվեց ՀՀ կրթության, գիտության, մշակույթի և սպորտի նախարարության և Պոզնանի Ադամ Միցկևիչի անվան համալսարանի միջև փոխըմբռնման հուշագիր: Հուշագրի համաձայն Պոզնանի Ադամ Միցկևիչի անվան համալսարանում ստեղծվելու է Մխիթար Գոշի անվան հայագիտական կենտրոն, որն ուղղվելու է հայոց լեզվի, գրականության և մշակույթի ոլորտում ակադեմիական գիտելիքների զարգացմանը և տարածմանը: Կենտրոնը կտրամադրի նաև դրամաշնորհներ՝ հայագիտական գիտահետազոտական ծրագրերի իրականացման նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր