Դեսպան Սամվել Մկրտչյանի հանդիպումը Լեհաստանի Սենատի նախագահի հետ

16 փետրվարի, 2021

Փետրվարի 16-ին Լեհաստանում ՀՀ դեսպան Սամվել Մկրտչյանը հանդիպեց Լեհաստանի Հանրապետության Սենատի նախագահ (մարշալեկ) Թոմաշ Գրոձկիի հետ (Tomasz Grodzki)։

Հանդիպմանը քննարկվեցին Արցախյան 44-օրյա պատերազմից հետո ստեղծված իրավիճակին, տարածաշրջանի անվտանգային միջավայրին և դերակատարներին առնչվող հարցեր։ Առանձնահատուկ անդրադարձ եղավ հայ ռազմագերիների հրատապ և առանց նախապայմանների վերադարձի խնդրին և, այդ առումով՝ միջազգային հանրության ներգրավմանը։

Զրուցակիցներն անդրադարձան նաև երկկողմ միջխորհրդարանական համագործակցության շրջանակներում առաջիկա նախանշված ծրագրերի իրականացմանը, բարձրաստիճան փոխայցելություններին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր