ՀԱՅՏԱՐԱՐՈՒԹՅՈՒՆ

10 մայիսի, 2013

ՀԱՅՏԱՐԱՐՈՒԹՅՈՒՆ

ՀՀ կրթության ու գիտության նախարարությունը Հայաստանի կրթօջախներում սփյուռքահայ ուսանողների ընդունելության նպատակով հայտարարում է ընդունելություն 2013-2014 ուսումնական տարվա համար: Սփյուռքի համար առաջնային համարվող մասնագիտությունների գծով կադրերի պատրաստման նպատակով սփյուռքահայ դիմորդներին ՀՀ կառավարության կողմից պետպատվերի շրջանակներում հատկացվել են 70 համալսարական /բակալավրիատ/ տեղեր, որոնց բաշխումը կատարվելու է ՀՀ կրթության և գիտության նախարարի հրամանով ստեղծվող հանձնաժողովի կողմից` մրցութային կարգով: Անվճար տեղերի մրցույթին կարող են մասնակցել մանկավարժական, հայագիտական, մշակութային մասնագիտությունների համար դիմորդները:
Պետական պատվերի տեղերից բացի, նույն կարգի համաձայն, սփյուռքահայ դիմորդները հնարավորություն ունեն ընդունվելու նաև վճարովի համակարգ, այդ թվում նաև քոլեջներ, մագիստրատուրա և ասպիրանտուրա: Հայոց լեզվին բավարար տիրապետելու և կրթական ծրագրերին հարմարվելու նպատակով սփյուռքահայ դիմորդներն ընդունվելու են բուհերի նախապատրաստական բաժանմունք` ուսուցման մեկ տարի ժամկետով: Հայոց լեզվից և մասնագիտական առարկաներից բավարար գիտելիքների առկայության պարագայում, ինչը որոշվում է գիտելիքների ստուգման արդյունքներով, դիմորդներին հնարավորություն կտրվի ուսումն սկսել առաջին կուրսից:
Փաստաթղթերի ներկայացման ժամկետը ս.թ. հուլիսի 9-ից մինչև օգոստոսի 24-ն է:
Գիտելիքների ստուգմանը մասնակցելու համար դիմորդի ներկայությունն Երևանում օգոստոսի 24-ից պարտադիր է:
Հավելյալ տեղեկատվություն ստանալու համար խնդրում ենք դիմել Լեհաստանում ՀՀ դեսպանության քաղաքական բաժին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր