Լեհաստանի հայկական համագումար կազմակերպության բողոքի ցույցը Հունգարիայի դեսպանության առջև

02 սեպտեմբերի, 2011

Հայ սպա Գուրգեն Մարգարյանին դաժանաբար սպանած ադրբեջանցի զինծառայող Ռամիլ Սաֆարովին Հունգարիայի կողմից Ադրբեջանին հանձնելու և Ադրբեջանի նախագահի կողմից հանցագործին ներում շնորհելու կապակցությամբ Լեհաստանի հայկական համագումար կազմակերպությունը ս.թ. սեպտեմբերի 1-ին Վարշավայում բողոքի ցույց անցկացրեց Հունգարիայի դեսպանության առջև: Ցուցարարները ՀՀ պետական դրոշներով և պաստառներով զբաղեցրել էին դեսպանությանը հարող մայթը: Նրանք պահանջում էին Հունգարիայի իշխանություններից ճանաչել իրենց կողմից թույլ տված կոպիտ, անբարոյական և աններելի սխալը` հայցելով ՀՀ և ողջ հայ ժողովրդի ներողամտությունը:
Բողոքի ցույցի բանախոսն էր` երիտասարդական թևի ղեկավար Էդգար Բռոյանը: Նա մասնավորապես նշեց, որ մարդատյաց բաշիբոզուկին ազատ արձակելը հնարավոր դարձավ Հունգարիայի իշխանությունների կարճատես և կողմնակալ քաղաքականության արդյունքում: Բանախոսն ընդծեց, որ Հունգարիայի իշխանությունների ցանկացած բացատրությունը կատարվածի վերաբերյալ անընդունելի է: Հունգարացիները ոչ միայն պետք է ճանաչեն իրենց կատարած գործողության ծանր հետևանքները, այլ նաև դատապարտ են Ադրբեջանի նախագահի հայատյաց վարկագիծը:
Բողոք-ցույցի մասնակիցների անունից Մաչեյ Բողոսևիչը ընթերցեց Հունգարիայի իշխանություններին ուղղված բողոքի նամակը: Լեհերեն և անգլերեն լեզուներով վանկարկելով «ամոթ», ցուցարաները բողոքի նամակները փակցրեցին Հունգարիայի դեսպանության կենտրոնական մուտքի պատուհաններին, ինչպես նաև իջեցրին դեսպանության փոստարկղը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր